مسلسلات رمضان 2025.. سلوى عثمان تكشف لـ”الدستور” تفاصيل دورها في “حكيم باشا” – التقرير

أعربت الفنانة سلوى عثمان، عن سعادتها لاختيارها ضمن أبطال وصناع مسلسل “حكيم باشا” المقرر عرضه ضمن دراما رمضان 2025، مع النجم مصطفى شعبان، قائلة: “المسلسل صعيدي اجتماعي عن عيلة اسمها “الباشا”، وطبعً بمشاركة مجموعة كبيرة من الممثلين”.

وتابعت عثمان في تصريحات خاصة لـ “الدستور”: “حكاية مسلسل حكيم باشا إن كل الأطراف تقريبًا من العيلة يعني الأعمام الأب الكبير والأخ ومصطفى شعبان اللي هو حكيم هو اللي في ايده كل الدنيا، يعني يمشي الأمور، وماسك زمام الأمور”، مضيفًة: ” المفروض إن انا اسمي شوشة، وطالعة مرات عمه حفني اللي هو الفنان أحمد صيام”.

وأضافت: “شوشة بتعمل أعمال أو بتعمل حجاب، وأسحار، يعني حاجة مختلفة تماما عن دور الأم، فالدور مختلف المرة دي،  قولت اجرب بقى حاجة مختلفة شوية يعني عشان خاطر الدور لذيذ ومكتوب حلو، وكل الناس اللي موجودة في المسلسل أبطال، يعني منحسش إن في حد بطل والتاني لا هو البطل الأساسي طبعا هو مصطفي شعبان، وهو القاسم المشترك بين كل الناس اللي موجودة دي، وبيتكلموا بقى عن حياتهم الاجتماعية في شغلهم في الزراعة في الارض مين يعني عارفة الدنيا ماشية ازاي كعيلة، وهو هو الكبير بتاع العيلة كلها وكده وهو اللي بيوزع الشغل حاجات كده يعني”.

أبطال مسلسل حكيم باشا

مسلسل حكيم باشا يشارك فى بطولته أيضًا، دينا فؤاد، رياض الخولى، محمد نجاتي، ميدو عادل، أحمد صيام، فتوح أحمد، هاجر الشرنوبي، هايدي رفعت والعمل من تأليف محمد الشواف وإخراج أحمد خالد أمين وإنتاج شركة سينرجي، ويقدم مصطفى شعبان فى العمل الدراما الصعيدية لأول مرة فى مشواره الفنى كما يتطرق العمل لتجارة الآثار.