عمر مرموش: لما بشارك مع المنتخب بموت نفسي.. ولعبت ماتش وحرارتي 40 (فيديو) – التقرير

قال النجم المصري عمر مرموش، مهاجم أينتراخت فرانكفورت الألماني، إن منتخب مصر بالنسبة له يمثل قيمة كبيرة للغاية، مضيفا خلال حوار خاص مع إسعاد يونس ببرنامج «صاحبة السعادة»، على قناة «dmc»: «في النوادي كل واحد بيكون عنده حاجة عايز يوصلها على المستوى الشخصي، ولكن فى المنتخب كلنا هدف واحد، كلنا عايزين نمثل مصر بشكل كويس، ونحط مصر فى مكانة عالية جدًا، ولما بلعب فى منتخب مصر بلعب بإسم بلدي، مش عايز أى حد يجي على بلدي بطريقة وحشة، أو يكسبنا، وعشان كده لا بيكون لا هزار ولا ضحك، أنا نازل بروح وومسئولية، وشايل إسم مصر على ضهري، ودا بيفرق معايا جدًا».

وتابع: «كان فيه ماتش فى بطولة إفريقيا الماضية، وأول لما وصلنا البلد اللى هنلعب فيها، كانت درجة حرارتي 40، وكنت قاعد فى السرير وغير قادر على الحركة، والمباراة كانت فى اليوم التالي، كلمت الدكتورة وقولتله شوف هنعمل ايه، انا هلعب يعني هلعب حتى لو درجة حرارتي 80 هنزل الملعب وهمثل منتخب بلدي».

وأكمل: «وكنا بنقيس الحرارة، واليوم اللى قبل الماتش معرفتش انام اليوم كله وكنت باخد أدوية، وروحنا الإستاد، واحنا فى الإستاد عمالين نقيس الحرارة».