تصدر الفنان خالد الصاوي مؤشرات البحث عبر تريند جوجل ومنصات التواصل الاجتماعي خلال الساعات القليلة الماضية، وذلك عقب حلوله ضيفا على برنامج كلام الناس، تقديم الإعلامية ياسمين عز، والمذاع عبر شاشة mbc مصر، والذي كشف خلاله الكثير من الأسرار المثيرة حول حياته الفنية والشخصية.
أبرز تصريحات ياسمين عز في برنامج كلام الناس
تحدث خالد الصاوي، خلال لقائه مع ياسمين عز، عن تفاصيل وفاة كلبته كيم، قائلا: «كيم كانت بنتي والحمد لله على كل شيء، احنا كان عندنا 9 كلاب، وهي كانت رهيبة في السيطرة، كانت بتغير عليا أوي.. وأنا لم أكن بهذه الشخصية قديمًا، ولم أكن أقدر الحيوانات، وحين كان أي شخص يقول لي إن الكلاب أوفى من البنى آدم، كنت بتضايق وأقوله إزاي تقارن الحيوان بالإنسان، لكن بعد كده اكتشفت إن الإنسان بتاع مصلحته لا هو طيب ولا هو شرير».
وعن علاقته بزوجته، قال خالد الصاوي: «كان ممكن أفكر مثلا هل أنا لو اتجوزت مي هبقى أناني شوية وهاجي عليها ولا لأ، لأني بتخطف مع شغلي على طول مع نفسي وهي مالية حياتي وبحبها جدًا لكن في نفس الوقت هي بتعاني وتتصل تقولي حبيبي بقالك 3 أيام في المكتب، وأقولها أسف جدًا مش هكرر ده واكرره».
وواصل الصاوي: «وأنا عشت حياتي كلها مستني واحدة زي مي، ومكانش فرق السن هو اللي فيه مشكلة على قد ما شخصيتي اللي تسميه أوقات غاوي ساعات أناني من غير ما أقصد، بس مع السنوات الواحد بدأ يكتشف أن فيه أخطاء بيقع فيها زي الغرور، والبطر والتبذير والصدامية عمال على بطال، حاجات من الماضي عملالك عبء عايز تروح تاخد تارك من حاجة أو من جهة كأنك ماشي في الصحراء وشايل كياس رملة».
مظهر شاهين ومحمد أبو بكر.. كلبة خالد الصاوي تثير أزمة بين مشايخ الأزهر
«شمسية بلا ظل».. خالد الصاوي يشارك فيديو من داخل لوكيشن التصوير
تعليقات